Shitore ku nuk do te paguani asgjeLajm i mirë për të gjitha femrat! Në Barcelonë është hapur një shitore në të cilën nuk do tu nevojitet kuleta, për shkak se gjithçka ofrohet aty është falas. Por, mangësia e gjithë kësaj është se mund të bleni “vetëm” 5 artikuj për një vizitë të shitores, të cilën mund ta realizoni një herë në dy javë.

Të gjitha prodhimet janë të reja në treg, ndërsa kompanitë e mëdha e shfrytëzojnë këtë shitore për të testuar produktet e tyre. E vetmja gjë që duhet paguar secili blerës është shuma prej 5 eurosh që shkon për librezën e anëtarësisë, që mundëson shoping falas për gjashtë muaj. Me fjalë tjera, me 5 euro, 12 herë brenda 6 muajve mund të bleni 60 produkte të ndryshme.

Kjo është shitorja e parë e këtij lloji në Evropë, ndërsa deri në fund të vitit pritet të hapet edhe një në Madrid. Planifikohet që gjatë vitit 2010 të hapen edhe nëpër qytet tjera më të mëdha europiane.

Në kohë krize dhe recesioni, mirë është të ndjehet se me të vërtetë diçka ofrohet falas.