Revista e famshme Harvard Business Review dhe autori Chris Trimble kanë shkruajtur dhe diskutuar në vazhdimësi për çështjet e lidhura me temen e Inovacionit.  Një ndër shkrimet e tyre i referohet Idesë dhe rëndësisë së saj në proçesin e Inovacionit.

Meqënëse Inovacioni realizohet në sajë të një Ideje fillestare, Trimble fton të kuptojmë që :

Inovacioni është një proçes i përbërë nga stade të caktuar. Cdo stad duhet të ketë rëndesinë e tij të veçantë. Keshtu mund të evitojme  mveshjen e vetë Idesë fillestare me rëndësi të tepruar, duke anashkaluar veprimet strategjike të cilat çojnë në realizimin e saj.

Në artikull vihet në dukje se si çdo ambjent përfshin “luftën” për status dhe se vetë natyra njerëzore bëhet pengesë për kalimin nga një Ide Inovative në implementimin e saj,  e si rrjedhojë del në pah një fenomen i përhapur dhe shqetësues kohët e fundit, siç është ai i  “Not Invented Here” (Jo e Shpikur Këtu) ose përdorimin e fjalisë së famshme “I was there right at the beginning!” (Unë isha aty që në fillimet!).

“Not Invented Here” është reagimi i individëve që mohojnë çdo ide tjetër, duke e gjykuar për jo të vlershme, duke u nisur nga fakti që ajo Ide nuk është menduar nga ata vetë.

Ndërsa “I was there right at the beginning!” është fenomeni që tregon se si individët kërkojnë me doemos të bëhen pjesë e momentit të krijimit të Idesë dhe se për ata kjo ka më shumë rëndësi se sa momentet e tjera post-ide.

Autori, shkruan në mbyllje të artikullit se të ndryshosh natyren njerëzore është e pamundur, e pikërisht për këtë arsye, iu këshillon bizneseve të vlerësojnë siç duhet çdo stad të proçesit Inovativ dhe jo vetëm atë stad në të cilin lind apo krijohet Idea.