Në varësi të shtetit ku jetoni, për rreth 90 deri 99% të reklamave t’a shpifin.
Kjo sepse Punët e Mëdha i trembin njerëzit. Sidomos klientet. Ata harxhojnë vlera të medha leku, duke rrezikuar humbje kolosale në rast se reklama dështon. Gjithashtu, shumë agjensi kanë frikë t’i humbasin klientët e tyre. Kjo shpjegon, pse pjesa më e madhe e reklamave janë të sigurta dhe kopje të njëra-tjetrës.
Man Ray do të thoshte që njerëzit dështojnë në tentativat e tyre për t’u bëre Zot, pikërisht, për shkak të manisë së tyre për të kopjuar.
Po të vini re një ndër reklamat më të përsëritura në media në Shqipëri është ajo e një kompanie birre, e cila, në fakt, me një pozicion aspak të keq në treg, bie viktimë e po të njëjtit problem: kopjimit.
Një video e peshkuar ne youtube, më së miri, tregon se si një marke që gëzon epërsi ndaj konkurrencës, përdor reklamen, këtë mjet tejmase të rëndësishëm për imazhin e një kompanie, në mënyrë aspak origjinale.
Klienti edukohet nga agjensite për qellimet e ndryshme që vetem një reklame kreative mund të përmbushë ( të ndërtosh marka, të bësh lekë dhe të fitosh çmime). Vetëm kështu, ai (klienti) do të mund të vlerësojë realisht punën që qëndron mbas këtyre reklamave të suksesshme.
Reklamat, si të mirat dhe të këqijat, janë një intruzion në jetën e njerëzve. Një njeri mesatar, në një qytet mesatar, në një ditë mesatare i ekspozohet një numri aspak mesatar prej 5000 reklamash. Në rastin më të mirë, ne mbajmë mend reklamat e jashtëzakonshme, dhe, ndoshta, reklamat plotësisht dështake. Pjesa tjeter është totalisht e padukshme.
Pra, pyeteni veten: a do të mbahet mend reklama juaj? Dhe nëse po, a do të mbahet mend ajo sepse është e jashtëzakonshme?
Nga po e njëjta reklame e videos edhe një ndër posterat të cilin e shihni nëpër tabelat e reklamave në qytete, superstrada, etj.
Përse do të mund të mbahet mend ?
Kjo, gjithësesi, është një temë tjeter.
Bibliography
The advertising Concept Book, Pete Barry. Thames & Hudson, 2009
Sulla fotografia, Man Ray. ABSCONDITA, 2006
| Tweet |
Per: Ardita M. Gjeçi
Ardita M. Gjeçi eshte autore e ketij artikulli. Studente e Ekonomi, Menaxhim Arti, Kulture e Komunikimi.
4 komente
B. Selmani says:
Dec 24, 2010
Aktivitetet e fundvitit të CC dhe ato të Pepsit dallojnë për nga qëllimi. Nuk di volumin e shitjeve të njërës apo tjetrës, por e di me sguri se Coca Cola me këto që mund të shohim në TV orientohet më tepër drejt brendimit, përkundër Pepsit i cili me pakot familjare orientohet më tepër drejt “merchandising” apo përparimit të shitjes.
Situatë të kundërt kemi gjatë stinës së verës; fushatat e CC për mbledhjen e kapakëve ose dërgimit të SMS etj. janë në funksion të përparimit të shitjes.
k86_i_marketingut says:
Dec 23, 2010
Shume e drejt, me pelqeu shume si artikulli dhe komenti. Nuk do te doja qe postimi im te dukej si nje perpjekje per te bere kritik destruktive. Doja vetem te shprehja mendimin tim ne lidhje me “Pse reklama kaq te keqia”. C’eshte e verteta jane me gjithmend me nivel te ulet po nuk mund tja vej fajin as agjensive as kompanive qe I porosisin fundja perpiqen te bejne punen sa me mire me aq sa mundesi ofron tregu.
Gjithesesi pune te mbare dhe shpresoj te lexoj artikuj te tjere si ky per reklamat ose si ai me AIDA.
Nqs me lejohet nje pyetje pak jashte teme por qe besoj se do ju interesoj mqs, si une, ju pelqejne temat e marketingut dhe reklames.
Kush fiton festat e ketij fund viti per nga volume I shitjeve softdrinks ne shqiperi Pepsi apo Coca cola?
Duhet te keni parasysh se cdo vit kulmi I shitjve soft drink arrin per festat e fund vitit. Per te dyja kompanite eshte periudha vendimtare per te arritur objektivat. Vjet e di me siguri qe Pepsi fitoj mbi Colen me paketimet familiar. Si vjet nuk I dihet si do shkoj paketimi I Pepsit doli, po me colen nuk e di ca behet. Cfare ndodh ne shqiperi gjate festave me kto kompani eshte pak si mini COLA WARS e viteve 1980, 1990 ne USA.
B. Selmani says:
Dec 23, 2010
Pershendetje i/e nderuar,
Para shumë kohësh pata shkruar një artikull për reklamat në televizion, ku pata cekur formulën AIDA për të matur efektet e reklamës.
Ajo që dua të them, është se nuk ka reklamë 100% origjinale, të gjitha janë kopje të njëra-tjetrës. Një reklamë e mirë nuk dmth të jetë e paparë më herët, por deri në atë masë sa derisa njerëzit mos të të identifikojnë me atë tjetrin që e ka bërë para teje.
Ardita ka paraqitur raportin Ata që i bëjnë reklamat vs. Ata që paguajnë për reklamat dhe jo ata të cilëve u drejtohet reklama. Andaj mendoj që “shqëtësimi” i saj është brenda kornizave që i ceka më lartë për punën e kopjimit/origjinalitetit.
k86_i_marketingut says:
Dec 22, 2010
Artikull interesant!
Kjo per te cilen po flet eshte nje nga reklamat me te dobta qe kam pare ndonje here. Jo vetem nuk qe eshte e kopjuar po eshte e kopjuar keq. Pa permedur zgjedhjen e testimonial-it akoma me e pa menduar. Nga ana tjeter po e beri punen….
Per krijime origjinale se besosoj se do kete ne Shqiperi se shpejti ndo nje hap perpara te madhe. Kushton shume nji krijim origjinal kualiteti.
Duhet kerkim kualitativ, pre-test etj. I bie shume duke marre parasysh sa i vogel eshte tregu potencial dhe sa buxhet ka nje kompani shqiptare. Edhe po doli njeri qe ta bej duhet ta shfaqi ne TV per shume kohe qe ti kthehet investimi nga ana tjeter sa me shume ta shfaqesh aq me shume duhet te paguash ne media, plus qe behet reklame e merzitshme.
Kshu qe nuk eshte cudi pse nuk ka reklama kualiteti ktu.
Sa per expozimin ndaj reklamave,nuk eshte per tu bere merak shume se i filtron vemendja selective( selective attention)qe krijon clutter (tip anti spam si ke emailet po ne mendje, qe nuk lejon kallimin e informacioneve shume te ngjashme dhe te pa nevojshme ne memorie). Shumica e reklamave perfundojne ne subkoshience ku vegjetojne pa pasoja.