Kualiteti i produktit është me rëndësi të madhe për sukses në luftën me konkurrencën. Kualiteti i produktit është i patjetërsueshëm. Produktet që ofrohen në treg nuk shiten vet, prandaj vetëm kualiteti i mirë i produktit nuk është i mjaftueshëm. Ato duhet t’i shet dikush. Ndërsa të gjithë e dinë se procesi i shitjes është shumë i ndërlikuar.

shitja e produkteve
Duke tentuar që të mësoj më tepër për teknikat e marketingut dhe posaçërisht të shitjes, para ca kohësh lexova librin ”The Sales Bible” nga Jeffrey Gitomer. Dhe askush tjetër në marketing përpos tij nuk mund të na tregojë aq shumë për maksimizimin e shitjeve, ndërsa në anën tjetër edhe për pengesat që paraqiten gjatë procesit të shitjes. Megjithëse janë elemente shumë të përgjithshme, më poshtë kam bërë një përmbledhje nga ajo çfarë bën që konsumatorët të kenë prirje refuzuese apo miratimi ndaj produktit tuaj:

  • Promocioni

Pika e parë që duhet bërë është të gjeni mjete dhe mënyra për të tërhequr konsumatorin. Ku dhe si ata mund të kuptojnë për ju, të dëgjojnë për ofertën tuaj!? Mund të përdorni mjete të ndryshme që besoj se keni pasur rastin të lexoni në këtë blog, ndërsa Jay Conrad Levinson në librin e tij “Guerilla Marketing” i ndan në minimediume dhe maksimediume. Tek të parat hyjnë pamfletat, broshurat, telemarketingu, letrat personale etj., ndërsa si masmedia kemi telvizionin, radion, internetin, shtypin…

  • Dizajni i produktit

Momenti tjetër ku duhet të keni kujdes është dizajni i produktit. Si e keni veshur produktin tuaj me qëllim që klientela e synuar më mirë t’ju identifikojë!? Kjo nënkupton që duhet të bëni një paketim tërheqës me qëllim që të jeni konkurrues në treg.

  • Kualiteti

Pasi të keni zgjuar kërshërinë e klientëve potencial, ata duan që të provojnë dhe të vërtetohen në përshtypjen e parë që e kanë fituar për produktin. Nëse keni një dizajnë të mirë dhe keni arritur që në mënyrë ideale të bëni promovimin e produktit tuaj,atëherë i mbetet kualitetit që të bën punën e mbetur. Nëse kualiteti i produktit i tejkalon pritjet e konsumatorëve, atëherë mund të themi se e keni fituar betejën me konkurrencën.

  • Çmimi

Pasi të vërtetohen në kualitetin e produktit, gjëja e radhës për të cilën do të interesohen konsumatorët është çmimi. Së pari, nëse çmimi është më i ulët se ai që e pranon tregu atëherë nënkupton se ju keni hequr dorë nga një pjesë e profitit. Ndërkaq, nëse çmimi është më i lartë se ai i konkurrencës, atëherë do ta keni shumë të vështirë ta shitni produktin. Mos harroni, çmimi është matës i vlerës së produktit tuaj, andaj ai duhet të arsyetojë besimin që ia keni dhënë.

  • Shitja si shkencë

Secili që i njeh produktet dhe karakteristikat teknike të tyre mund të fillon t’i shet ato. Me fjalë tjera gjithkush mund të bëhet shitës. Mirëpo dallimi ndërmjet dy shitësve konsiston në përqindjen e konverzimit të klientëve potencial në blerës. Faktorët kryesor në këtë rast janë njohuritë, aftësitë dhe përvojat e një shitësi. A i prezenton në mënyrë të drejtë karkteristikat e produktit që e shet? Ose mos vallë fsheh një karakteristike me rëndësi që do të ndikonte në vendimin përfundimtar për blerje? Sa është i aftë që t’i identifikon lëvizjet e trupit të blerësit potencial; mimikat e tij, ngazëllimin e shkëndijave në sytë e tij!? A ua parashtron pyetjet e drejta atyre? Sa është i aftë që të shkurton procesin e blerjes për të arritur sa më shpejt te mbyllja e shitjes dhe për të vazhduar te klienti tjetër potencial!? Për të rritur nivelin e konverzimit të klietëve potencial në blerës, e pse jo edhe në blerës besnik, duhet që rregullisht t’i zhvilloni aftësitë tuaja dhe të përdorni mënyra dhe teknika të ndryshme të shitjes.

  • Mbyllja e shitjes (Closing)

Frika më e madhe e secilit shitës është që të refuzohet nga klientët potencial. Dhe fare në fund të procesit të shitjes ekziston një element i “vogël”, në formë pyetjeje apo fjalie, i cili vendos nëse ju jeni vetëm një prezantues i sukssshëm apo edhe një shitës i suksesshëm. Ky është ai momenti magjik kur klienti shtyp butonin “PO” dhe instalon programin “blerës” e më pas mund të arrini ta zhvilloni në verzionin 2.0 “blerës besnik”.

  • Bashkëveprimi i fundit

Një Faleminderit! apo Ditën e mirë! zgjat vetëm një moment të shkrurtër, por është faktor shumë me rëndësi në ndërtimin e marrëdhënieve me klientët tuaj.Një buzëqeshje, një fjalë e ëmbël, një shikim miqësor drejt në sy është e mjaftueshme për të mbyllur me sukses një proces të shitjes.