Në luftën e vazhdueshme për përmirësimin e produkteve dhe shërbimeve me qëllim të profitit shtesë, ndryshimet strategjike në ofertë mund të ndodh që të mos shkojnë ashtu siç është planifikuar. Kjo mund t’i hidhërojë klientët ndërsa kompania ta humb reputacionin dhe të bie në krizë. Edhe kompanitë më të mëdha mund të bëjnë gabimë të këtilla trashanike, ndërsa Evan Davis nga BBC përmend shembujt e Unilever, Coca Cola dhe Mini (British Motor Corporation) të cilat do t’i paraqesim në seri ditëve në vazhdim:

Ekskurzioni i Persil Power

Në tregun britanik të detergjentëve dominojnë produktet e Unilever dhe Procter & Gamble. Këta të dytët gjithmonë kanë potencuar se brendi i tyre Ariel ka veçori për heqjen e njollave, pohime që edhe shkencërisht na qenkan të vërtetuara. Nga ana tjetër, Unilever thotë se Persili i tyre është zgjedhja e parë nga amviset.

Për shkak të pozitës jo të lakmueshme në treg, në fillim të viteve ’90 Unilever paraqet Persil Power, me përmbajtje speciale – axcelerator me bazë manganin, formulë për të cilën konkurrentët që nga fillimi thonin se është shumë e fuqishme dhe se bën shkatërrimin e teshave.

Unilever nuk dorëzohet, dhe në vitin 1994 promovon Persil Power-in. Mirëpo, vetëm disa ditë më vonë, Procter & Gamble i mbush gazetat me fotografi të veshjeve të brendshme dhe bluzave ta grimcuara nga pluhuri i ri Persil.

Sipas analizave, ky debakël i Power ka kushtuar rreth 250 milion paund, që ishte arsye e mjaftueshme kompania ta tërheq nga tregu.

Ariel vs Persil

Nga seria:

☑ Ekskurzioni i Persil Power
☐ Coca Cola ne panik
☐ Gabimi i madh i Mini-t (British Motor Corporation)